孕婦到底要唔要補充卵磷脂呢？
- Yvonne Cheung
- 2024年2月28日
- 讀畢需時 2 分鐘
「卵磷脂」對於近年準備母乳餵哺的媽媽一啲都唔陌生，近年仲有好多補充品廣告／文章都標上 「懷孕、餵母奶媽媽必吃」。到底卵磷脂係咩？ 孕婦到底要唔要補充卵磷脂呢？
卵磷脂是一種主要存在於天然食物中，黃褐色的油脂性物質，由磷酸、膽鹼、脂肪酸、甘油、糖脂、三酸甘油酯以及磷脂所組成，是建構細胞膜的重要成分。
主由蛋黃分離出來的一種複雜磷脂混合物，卵磷脂常見於大豆、蛋黃與肉類食品中，以下列出常見的10種卵磷脂食物，作為日常飲食參考： 豆腐 / 豆漿 / 毛豆 / 牛奶 / 雞蛋 / 豬肝 / 花生 / 味噌 / 葵花籽油 / 肉類
有機會只由食物補充營養素未必滿足到喺懷孕期、哺乳期嘅需求，所以多咗廣告／文章談及需要額外補充卵磷脂。
外國有關母乳哺餵的文章，當中都有提及到卵磷脂對哺乳嘅好處。卵磷脂有乳化效果，能夠將母乳濃稠凝塊變成小分子，可以促進乳汁嘅排出，令到母奶流動性可以提升。變相有預防乳腺管阻塞或是乳腺炎作用。不過卵磷脂都只係降低塞奶嘅機率，無法改善阻塞，一旦乳腺真係塞住，都係要用其他方式疏通乳腺先得。
因為降低咗母乳內飽和脂肪酸的含量令乳汁容易流出，好多時都被誤認為有催乳上奶嘅功效，其實都係媽媽體內已儲存嘅母乳，奶量亦無真正增加到，所以卵磷脂好似比較適合容易出現乳腺阻塞或者反覆出現乳腺炎情況嘅哺乳媽媽。但係對付乳腺炎哩方面嘅作用，目前相關研究不足。所以除了天然食品係咪必需再補充卵磷脂呢？媽媽們都可以再三思一下~
如果媽媽本身對大豆有過敏同埋代謝功能有異常，都唔建議自行補充卵磷脂嘅補充品。不過都係建議備孕婦女、孕婦和產婦進食卵磷脂補充品前，最好先詢問醫生意見啊。
コメント